Ինչպես ընտրել ձմերուկ. 8 կանոն. 1in.am

Քաղցր և համեղ ձմերուկ ընտրելու համար գոյություն ունի մի քանի կանոն, հայտնում է u-news.com.ua-ը :

Չափը

Իդեալական չափը ձմերուկի միջին չափն է՝ 5-7 կգ:

«Տղա» և «աղջիկ»

Ձմերուկը տարբերվում է «սեռային» նշաններով. «տղաները» մեծ են և երկարավուն, «աղջիկներն» ավելի փոքր են և ավելի կլոր: «Աղջիկներն» ավելի համեղ են և քաղցր:

Պոչը

Այն անպայման պետք է լինի: Դեղնավուն չոր պոչը հասունության նշան է, իսկ եթե պոչը կանաչ է, ձմերուկը քաղել են անհաս վիճակում:

Կտկտոցով

Հասուն ձմերուկն արձակում է բարձր ձայն: Իսկ եթե այն վերևից և ներքևից թեթև սեղմեն, ապա կճաքի:

Կտրելով

Շատ վաճառողներ կտրում են այն, որպեսզի գնորդին ցույց տան հասած լինելը: Այդպիսի բան պետք չէ անել, քանի որ ձմերուկը ակնթարթորեն իր մեջ է հավաքում դանակի կեղտը, բակտերիաներ և փոշի:

Քիմիական «անցյալի» նշանները

Եթե կտրված ձմերուկն ունի սպիտակ կամ դեղնավուն երակներ, ապա այն պարունակում է նիտրատներ:

Սեփական վաճառող

Երբե՛ք մի վերադարձեք այն վաճառողի մոտ, ում մոտից գնել եք նիտրատներով ձմերուկ կամ այն ուտելուց հետո ստացել եք ստամոքսի խանգարում: Անպայման նա կրկին անորակ ձմերուկ կվաճառի:

Ոչնչով չհիմնավորված սեփական դիտարկումներ

Հարթ, գեղեցիկ, հավասարաչափ ձև ունեցող ձմերուկը սովորաբար լինում է ոչ համեղ: Համեղ է այն ձմերուկը, որը մի քիչ ծուռ է, հողին հենված մասով՝ սպիտակ բծերով:

Հարցեր, պատասխաններ, մեկնաբանություններ